地產代理奇葩

「你好呀，兔小姐，Peter呀，你那個17A單位會唔會放買呀?」(我大概忘了這Peter是我的熟朋友)

「唔會啦，個單位都係啱啱出租。」

「唔係喎，有筍價都唔考慮下？」(筍??甘筍??思緒飄遠..….)

「家陣個價都唔係成得好高，遲啲先算啦」(甘筍與磚頭價格一直在兔追踪指數中被嚴密監測着)

「唔係喎….(難道剛有天價成交??)…咁即係話如果扣埋釐印佣金律師費平手離場你就唔考慮呀?」(好一個全無關係的轉折及一個令人發獃(髮指)的提問)

Peter的推銷技巧實在震攝全球，我着實花了點時間研究不考慮「平手離場」會不會是投資上一個極大的錯誤；而「平手離場」的方式，又將如何令我在一眾美孚快閃黨、新界摩貨王及北水摩上魔等高手中突圍而出。

或許只有Peter才能掌握當中玄機。腦袋只花生米般大的爆炸兔，還是按月收割甘筍吧。